Bylis-Dinamo dhe Elbasani-Partizani ishin ndeshjet që mbyllën javën e 31 të Kategorisë Superiore dhe në përfundim të saj është dhënë tashmë një verdikt. Vllaznia tashmë është skuadra e parë që siguron matematikisht vendin e saj në fazën e ‘Final Four’.
Skuadra shkodrane arriti të presë biletën për në këtë fazë edhe falë rezultateve të kësaj të hëne pasi Bylisi dhe Dinamo e mbyllën ndeshjen 1-1, ndërsa Elbasani mposhti Partizanin 3-0 në Elbasan Arena. verdheblutë përfituan edhe nga humbja e Egnatias nga Tirana për t’i rrëmbyer vendin e tretë skuadrës rrogozhinase që zbret në vendin e tretë. Dinamo dhe Partizani me 44 pikë tashmë duelojnë mes tyre për të qenë mes 4 ekipeve më të mira.
Teuta duket e qetë në vendin e 6, ndërsa akoma më e ndezur është beteja për mbijetesën. Tirana, Vora dhe Bylis janë respektivisht në vendin 7, 8 dhe 9 me 31 pikë, ndërkohë që Flamurtari është në vendin e fundit me 26 pikë, me skuadrën vlonjate që nuk mund të përjashtohet përfundimisht nga gara.
gijotina.com/
