Mbledhja e tretë e dy qeverive do të mbahet më 3 qershor në Prishtinë
Më 3 qershor në Prishtinë do të mbahet mbledhja e tretë e përbashkët mes qeverisë së Shqioërisë dhe asaj të Kosovës. Në këtë takim që mbahet në Bibliotekën Kombëtare të Kosovës pritet që të nënshkruhen 8 deri në 10 marrëveshje. “Janë marrveshje, të cilat lehtësojnë çdo ditë komunikimin ndërmjet Republikës së Kosovës dhe Republikës së Shqipërisë. Edhe mbledhja e tretë do të jetë e fokusuar në fushën e ekonomisë, ambientit, administratës publike, në fushën e bashkëpunimit si në aspektin e sigurisë edhe drejtësisë”, tha Sokol Havolli, këshilltar i kryeministrit të Kosovës. Ndërkohë ambasadori i Shqiperisë në Kosovë, Qemal Minxhozi ka deklaruar se në mbledhje do të diskutohet edhe lidhur me Portin e Durrësit, me qëllim lehtësimin e procedurave doganore, duke i mundësuar Kosovës të ketë një port pavarësisht se nuk ka dalje në det.
