Të zgjedhurit e rinj duhet ta votojnë Demarkacionin.
Kështu ka deklaruar Raportuesja e Bashkimit Evropian për Kosovën, Ulrike Lunaçek, përmes një video-mesazhi para studentëve të Kosovës, atyre të rajonit dhe të botës të cilët kanë mbajtur një mbledhje simultative në Kosovë.
“Shpresoj se të zgjedhurit e rinj pas 11 qershorit do të veprojnë përgjegjshëm dhe do ta votojnë Demarkacionin me Malin e Zi dhe do ta luftojnë seriozisht korrupsionin – dy kushtet kryesore për liberalizimin e vizave”, tha ajo.
Studentët në këtë mbledhje kanë folur edhe për luftën ndaj terrorizmit, ndërsa për këtë çështje një mesazh e pati edhe Lunaçek.
“Sa i përket terrorizmit, forcat e vendeve të Bashkimit Evropian duhet të bashkëpunojnë më tepër në luftimin e këtij fenomeni”, tha Lunaçek.
