Ministri i Punëve të Jashtme të Gjermanisë, Sigmar Gabriel ka kërkuar nga deputetët e Kuvendit të Kosovës që ta ratifikojnë Demarkacionin me Malin e Zi
Pas përfundimit të takimit me kryeministrin Isa Mustafa, ministri gjerman tha se Kosova është në rrugën drejt BE-së dhe ekziston një dëshirë e madhe në Kosovë për liberalizimin e vizave.
“Porosia ime është të fiksoni marrëdhënien që e keni me Malin e Zi dhe ta ratifikoni Demarkacionin. Kosova është në rrugën drejt BE-së dhe duhet të jep sinjale që kërkojën respekt për angazhim. Jeni shteti i vetëm që ka mbetur pa liberalizim të vizave edhe pse Kosova ka bërë progres të madh në këtë drejtim”- tha kryediplomati gjerman.
