Ka ndërruar jetë 38-vjeçarja nga Istogu, e cila ishte infektuar nga koronavirusi, duke e çuar në 8 numrin e viktimave. Lajmin e ka konfirmuar për Telegrafin, kryetari i Istogut, Haki Rugova. “Po sot ka ndërruar jetë”, tha shkurtimisht ai.
Viktima mësohet se vuante edhe nga disa sëmundje tjera, ajo ishte transferuar në Klinikën Infektive ditën e djeshme pasi u konfirmua se ishte prekur nga virusi vdekjeprurës.
Mediat raportojnë se ditë më parë ishte operuar në QKUK, pa e ditur mjekët se ajo ishte e prekur nga COVID-19.
