Ideja e qytetarëve norvegjezë që frutat tepricë t’i vënë në dispozicion për të gjitha ata që nuk i kanë, duket se u ka pëlqyer shumë llapjanëve.
Këtë ide, vendosi ta praktikojë edhe një profesor nga fshati Shajkovc i Podujevës, ai mori disa qese me mollë dhe i vari jashtë oborrit, në mënyrë që kalimtarët t’i marrin, shkruan Indeksonline.
Ky shembull kaq i mirë, sigurisht që është për t’u duartrokitur, pasi me to mund të furnizohen të varfërit por edhe të ndërgjegjësohen ata që kanë. Të ndash diçka me ata që nuk kanë është njerëzore dhe nuk të varfëron aspak, madje të pasuron.
