Për vitin 2015, për herë të parë Kosova bëhet partneri i dytë në eksportet tona
Kosova është tashmë një ndër dy tregjet më kryesore për mallrat e prodhuara në Shqipëri. Me eksporte që kapin vlerën e rreth 21 miliardë lekëve, tashmë shitjet me Kosovën, vecanërisht për celikun dhe mineralet e produktet bujqësore, po shënojnë rekorde të vazhdueshme.
Rritja e eksporteve drejt Kosovës ka qenë graduale, ndonëse ajo ende nuk është në nivelet e dëshiruara. Kështu në vitin 2015 eksportet drejt tregut kosovar zinin 8.6 për qind të totalit të eksporteve tona. Një vit më parë treguesi ka qenë 7.3 për qind, ndërkohë që në 2007, kur ende nuk ishte përfunduar rruga e Kombit eksportet drejt Kosovaës ishin vetëm 5 për qind e totalit.
Shifrat kanë ndryshuar për mirë pavarësisht se ende ka barriera të shumta jo tarifore të vendosura për produkteve të ndryshme si për materialet e ndërtimit dhe produktet ushqimore.
Produkti më i eksportuar nga Shqipëria në Kosovë në vitin 2015 ishte giza dhe çeliku me rreth 5.4 miliardë lekë vlerë, e ndjekur nga lëndët djegëse dhe mineralet, me rreth 5 miliardë lekë vlerë. Rritje tepër të lartë, ndonëse nisur nga një bazë e vgël kanë shënuar eksportet e produkteve bujqësore. Shitjet e zarzavateve në Kosovë janë shtuar me 45 për qind, ndërsa eksporti i frutave është zgjeruar me 50 për qind.
Më shumë biznes me Kosovën kanë bërë në 2015 edhe prodhuesit e mobilieve, ndërkohë falë zhvillimit të sektorit të ndërtimit atje, përvec celikut sukse pati edhe tregtia e çimentos.ve të shumta të deputetëve.
