Pas rrëzimit të qeverisë, lideri i AAK Ramush Haradinaj ka deklaruar se ndihet mirë që ka pasur një reflektim të deputetëve në pushtet për rrëzimin e qeverisë “Mustafa”, një bashkëqeverisje mes PDK-së dhe LDK-së.
Në një deklarat për mediat, Haradinaj ka bërë thirrje qytetarëve të vendit, që në zgjedhjet e parakohshme t’i gjykojnë me votë deputetët e PDK-së dhe LDK-së.
“Në rast se forcat opozitare vijnë në pushtet, do ta rrëzojnë versionin aktual të Demarkacionit.Nëse vijmë në pushtet do ta rrëzojmë këtë version të Demarkacionit dhe do të sjellim versionin e drejtë”, ka thënë Haradinaj.
I pyetur nëse do të bëjë koalicion me ndonjërën nga partitë që kanë qenë në pushtet, Haradinaj ka deklaruar se AAK-ja ka disa “vija të kuqe” për këto parti.
