Kombëtarja e Kosovës do të ndeshet kombëtaren e Greqisë për ndeshjet kualifikuese të Ligës së Kombeve dhe për të dy ekipet përfaqësuese kjo do të jetë ndeshja e dytë në grup pasi të dyja e kanë nisur me fitore.
Dardanët kanë marrë tre pikë te Qipro pasi triumfuan me rezultat të pastër 0-2, derisa grekët triumfuan në udhëtim te Irlanda me rezultat 1-0.
Dy ekipet përfaqësuese e njohin mirë njëra tjetrën, pasi ndeshja e sotme në Prishtinë do të jetë e pesta që e zhvillojnë me njëra-tjetrën. Greqia ka bilanc më të mirë në katër ndeshjet e zhvilluara me një fitore, derisa tri të tjera kanë përfunduar baras.
Kosova synon që ta marrë fitoren e parë sonte ndaj grekëve, derisa mysafirët kërkojnë mos të mposhten në kryeqytetin kosovar. Pritet të jetë një ndeshje shumë e luftuar nga dy ekipet kombëtare që e kanë nisur me fitore dhe janë favorit për ta fituar vendin e parë në grup.
Stadiumi ‘Fadil Vokrri’ pritet të jetë i stërmbushur pasi tanimë të gjitha biletat për këtë sfidë janë shitur. Dueli mes Kosovës dhe Greqisë zhvillohet sonte me fillim nga ora 20:45.
