Vijon të rritet frikshëm numri i të vdekurve nga koronavirusi, duke shkuar në 2619 viktima në të gjithë botën. Ndërkohë që numri i të infektuarve nga ky virus vdekjeprurës ka arritur në 79 mijë.
Mediet botërore raportojnë për 27 viktima nga koronavirusi jashtë Kinës, ku tre prej tyre janë në Itali. Gjithashtu, e alarmuar nga ky virus është edhe Koreja e Jugut, ku rasti i të prekurve ka arritur në 760, si dhe 8 viktima, ndërsa në Itali janë infektuar 152 persona.
Gjithashtu, virusi ka mbërritur edhe në Lindjen e Mesme, ku janë konfirmuar 43 raste në Iran, 8 prej të cilëve kanë ndërruar jetë.
