Drejtori i Policisë së Shtetit, Ardi Veliu ka deklaruar se që nga nisja e pandemisë janë prekur 25 persona në radhët e policisë por tashmë janë shëruar të gjithë
Gjatë raportimit në Komisionin për Sigurinë Kombëtare, Veliu theksoi se janë marrë masa për mirëorganizimin e punës së policisë, por shtoi se ka pasur edhe raste problematike duke veçuar rastin e Himarës ku theksoi se mungonte mobilizimi kundër Covid-19.
“Janë prekur 25 persona në radhët e policisë por janë shëruar të gjithë deri tani. Shtrirja e pandemisë kaloi më shumë se dy muaj dhe ka pasur edhe raste kur punonjës policie nuk e ka kryer më së miri detyrën. Janë marrë masa për ta dhe për një pjesë kanë nisur hetimet. Janë marrë masa ndaj komisariatit të Himarë sepse kishin të bënim me mungesë të strukturës organizative. Ka pasur tendencë për të organizuar tubime apo protesta. Për të gjitha rastet janë referuar pranë prokurorive të rretheve gjyqësore aty ku kanë ndodhur tubimet. Veç rasteve të referimit për organizimit janë marrë masa në zbatim të aktit normativ ne shoqërime, gjobë apo bllokim mjeti”, tha Veliu.
