Organizata Botërore e Shëndetësisë ka shpallur pasditen e sotme gjendjen e pandemisë botërore ndërsa për Fax News ka folur në një lidhje telefonike, doktori Petrit Vargu.
Vargu tha se masat kanë filluar të mereren vonë, por megjithatë sipas tij, gjithmonë ka gjëra për të rregulluar ndërsa bëri thirrje ndaj drejtuesve lokalë që të marrin masa vetëizolimi pa pritur urdhëra në mënyrë që koronavirusi në vendin tonë të lokalizohet.
Vargu tha gjithashtu se vendi ynë është në stadin e parë dhe të dytë ndërsa apeloi reagime të menjëhershme dhe plane konkrete për fazën e tretë që është ende më e rrezikshme.
“Shqipëria është në stadin një dhe dy, masat tona deri tani të vonuara, tani duhet të jenë konform. Të kemi një kufizim maksimal të shpërndarjes brenda shtetit tonë, tani po shikoj se gjërat po lëvizin, po shikoj mobilizimin e ushtrisë dhe masat e para të izolimit të popullsisë. Vetëizolimi për çdo njeri më intereson se ç’bën shteti për këtë, jo vetëizolimi ynë personal nga frika. Çfarë po bën shteti për karantinën dhe historitë me rajonet që janë më të prekur. Besoj se futja në lojë e Policisë dhe Ushtrisë nëse dinë ta bëjnë do të sjellin edhe izolimin e rajoneve të prekura. Jemi jashtë task-forcës dhe është e vetmja mënyrë për ti dhënë këshilla popillit tonë. Absolutisht që kjo është përgjegjegjësi e atyre që drejtojnë, këtë gjë duhej ta kishin bërë 3 javë më parë. Atëherë duheshin marrë masat. Tani siç e shikoni nuk është vonë, gjithmonë ka gjëra për të bërë. Duhet të marrim masa adekuate për këtë fazë dhe të përgatitemi për fazën tre që është edhe më e vështirë. Çdo gjë duhet bërë përpara, që në kohën e duhur të jetë tamam, nuk pret mjekësia kohën e duhur. Kanë një periudhë inkupacioni shumë të gjatë dhe duhet të parapritet.
Sikur të ishte e vërtetë se janë 12 raste do të isha shumë i kënaqur, nuk e besoj kurrë që janë aq, por çfarë ndryshimi ka, mund të ishin 120. Por të gjithë edhe në studiot televizive të kontribojnë deri sa të lejojë edhe qeveria që të japim mesazhe dhe bëjë transparencë që ta mësojë edhe bota se jemi edhe ne. Masat të tjera duhen, të gjithë pushtet lokale të marrin masa, të mos presin urdhëra, secili masat edhe të izolohen vetë rrethet dhe qarqet e Shqipërisë. Duhet të kemi iniciativë që të lokalizohet ajo që po ndodh, jo të presi vetëm urdhëra nga Manastirliu. Çdo dikaster të marrë masat e veta për personelet dhe popullin në zonat e tyre”, tha Vargu. /faxweb.al
https://www.facebook.com/faxnewslive/videos/658981448201265/?t=0
