Mbledhja e qeverisë nuk u shqetësua shumë për ata që nuk e morën dot “pagën e luftës”, por gjeti mundësinë e artë të shpërblente një nga oligarkët më të mëdhenj të karburanteve dhe t’i falte Portin e Porto Romanos. Behet fjalë për Kastrati Group.
Grupi i madh oligarkik, në fakt prej kohesh zotëron një terminal nafte, i cili nëpërmjet çistername të Porto Romanos lidhet me tregun ndërkombëtar me anë të tubacioneve.
Por, qeveria nuk mjaftohet vetëm me gypin, prandaj sot i fali të gjithë portin, duke e kthyer oligarkun në fuqinë më të madhe në treg, megjithëse vetëm para pak kohësh e denoncoi publikisht për evazion fiskal.
Ndërsa të gjithë njerëzit presin nga mbledhjet e qeverisë oksigjen për të shpëtuar ekonominë nga vdekja klinike, ajo jep oksigjen për të ngjallur klientët e saj.
Çudia, megjithatë nuk mbaron këtu, por në faktin që opozita e Lulzim Bashës nuk lëshon zë për këtë, thua se është pjesë e të njëjtit libër page, ku bën pjesë Edi Rama.
