Kosova ka regjistruar 9 viktima nga koronavirusi dhe 704 raste të reja me Covid-19, në 24 orët e fundit.
Numri total i rasteve pozitive në Kosovë që nga nisja e pandemisë është 36 253 raste, ndërsa 948 është bilanci i viktimave.
Gjatë 24 orëve të fundit, janë shëruar 391 pacientë.
“Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 1.651 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 704 raste pozitive. Brenda 24 orëve janë raportuar 9 raste të vdekjes me SARS CoV-2 pozitiv. Rastet e vdekjes janë nga komunat: Klinë 2 raste (84, 72 vjeç), Rahovec 2 raste (82, 76 vjeç), Drenas 1 rast ( 64 vjeç), Ferizaj 1 rast ( 81 vjeç), Gjakovë 1 rast ( 77 vjeç), Suharekë 1 rast ( 78 vjeç) dhe Prishtinë 1 rast ( 83 vjeç)”, thuhet në njoftim.
Ndërkohë, numri total i rasteve pozitive është 36 mijë e 253, nga 135 mijë e 969 persona të dyshimtë në virusin SARS-CoV-2 dhe 948 raste të vdekjes.
