Në Britaninë e Madhe prej koronavirusit, në 24 orët e fundit kanë ndërruar jetë 708 persona.
Numri i personave të rinj të prekur me Covid-19 është 3.735, ndërsa në total janë 41.903 të infektuar. Fatkeqësisht numri i të vdekurve vijon të rritet, duke shkuar në 4.313.
Britania është një ndër vendet me rritjen më të shpejtë të rasteve të reja, ndërsa numri i rasteve aktive shkon në 37.455. Deri në këto momente janë vetëm 135 pacientë të shëruar nga virusi vdekjeprurës, megjithë masat e marra për frenimin e Pandemisë që ka ‘gjunjëzuar’ globin.
