Sot u shënuan 5 humbje jete dhe 833 raste të reja me koronavirus. Mes 5 viktima është një vajzë 26-vjeçe,raportohet se vajza që humbi luftën me koronavirusin është nga Mati dhe kishte sëmundje të tjera bashkëshoqëruese.
Prej disa ditësh ajo ishte e shtruar në spitalin COVID-2, njohur si Sanatoriumi, ndërsa sot ndërroi jetë. Katër pacientët e tjerë që ndërruan jetë sot janë; 2 qytetarë nga Tirana, 1 qytetar nga Korça dhe 1 qytetar nga Kruja.
Aktualisht në 4 spitalet COVID, po trajtohen 286 pacientë, 18 në terapi intensive nga të cilët 3 pacientë janë të intubuar. Ndërkohë në 24 orët e fundit janë shëruar 506 qytetarë, duke e çuar numrin e të shëruarve 43,890 që nga fillimi i epidemisë.
