Ish-basketbollisti nga Berati, Petraq Gjogu, ka humbur jetën në moshën 72 vjeçare, pasi ishte konfirmuar me koronavirus.
72-vjeçari ishte i shtruar prej 2-javësh në Spitalin COVID në Tiranë, ndërsa ishte prej disa ditësh i intubuar dhe nuk mundi dot ta fitojë betejën me koronavirusin.
Gjogu ka qenë basketbollist i ekipit të Tomorrit deri në vitet ’99 dhe më pas ai u emërua gjyqtar i ndeshjeve të volejbollit në vend. Në vitin 2001, Gjogu u emërua Kryegjyqtar i Kolegjit te Arbitrave për volejbollin në Berat. Pas lajmit për vdekjen e tij,ka qënë i menjëhershëm edhe reagimi i selisë së PD Berat,ku Gjogu ishte pjesë e strukturave të saj që pas viteve ’90. Kryetari i PD Berat, Gazmend Azizi,duke e cilësuar 72-vjeçarin Gjogu “demokrat të orëve të para”, i ka përcjellë familjes ngushëllimet e përzemërta.
