Kriza e krijuar në mbarë botën si pasojë e koronavirusit mund të shkaktojë një mungesë të prezervativëve në tregje.
Mungesa, në terma afatgjatë, pritet që të shkaktohet, pasi prodhuesi më i madh në botë ka njoftuar se për shkak të pandemisë është detyruar që të ndalojë prodhimin.
Karex Bhd Malajzi prodhon një në çdo pesë prezervativë në botë. Prej 19 ditësh tashmë në asnjë nga tre fabrikat që ndodhen në Malajzi nuk është prodhuar një prezervativ i vetëm.
Prodhimi është ndaluar për të respektuar rregullat e vëna nga qeveria e vendit për ngadalësimin e përhapjes së COVID-19.
Tashmë, në treg ka një mungesë prej 100 milionë prezervativësh, të cilët normalisht tregtohen ndërkombëtarisht nga marka të tilla si Durex.
