Eurovizion 2020 i cili ishte planifikuar të mbahej në Roterdam më 16 maj, në një deklaratë zyrtare është marrë vendimi për shtyerjen e tij.
Në deklaratën e hedhur ditën e mërkurë nga Unioni i Transmetimit Evropian shkruhej se:
Me keqardhje të madhe duhet të njoftojmë anulimin e Eurovision Song Contest 2020.
Ne do t’u kërkojmë njerëzve të tregojnë durim ndërsa punojmë përmes shfajësimit të këtij vendimi të paprecedent. Është hera e parë që ngjarja nuk ka ndodhur që kur ajo filloi në 64 vjet më parë.
Përhapja e përshkallëzuar e koronavirusit në të gjithë Evropën dhe kufizimet e vendosura nga shumë qeveri dhe autoritetet holandeze e bëjnë të pamundur për ne që të organizojmë një ngjarje live siç ishte planifikuar.
Ne po e vuajmë shumë këtë situatë, por mund t’ju premtoj, Konkursi i Këngës në Eurovizion do të kthehet më i fortë se kurrë.
Vendi ynë do të përfaqësohej në këtë kompeticion nga këngëtarja Arilena Ara me këngën “Shaj”, por ende nuk dihet se kur dhe mbi të gjitha a do të ngjitet artistja jonë në skenë apo festivali i këtij viti do të mbetet në kuadrin e një ngjarje brenda shteteve.
