Të arrestuarve ju kapën 322 gramë kokainë dhe sasi kanabisi
Shtatë trafikantë droge ranë në prangat e Policisë së Korcës. Në bazë të operacionit antidrogë të koduar “Radaneci”, u arrestuan shtetasit: Islajd Shalcanj, 27 vjeç, Arjan Shalcanj, 22 vjeç, (vëllezër) Maril Pano, 26 vjeç, Bledar Haxhi, 35 vjeç, Astrit Shalcanj, 55 vjeç, Naumand Cico, 25 vjeç, Mikel Shalcanj, 22 vjeç, (283/2 dhe 278) të gjithë banues në Korçë. Procedimi penal në gjendje të lirë ndaj dy shtetasve: Dh.Gj, 21 vjeç, banues në fshatin Boboshticë dhe J.M, 29 vjeç, banues në Korçë. Këtyre personave, iu gjetën dhe sekuestruan në cilësinë e provës materiale: 322 gram lëndë e dyshuar narkotike e llojit Kokainë, 9 gramë bimë e dyshuar narkotike Cannabis Sattiva, 1 peshore elektronike, 2 fishekë të kalibrit 9 mm, një sasi kartëmonedhash prej 210 Euro dhe 40.500 lekë të reja, 5 (pesë) automjete të markave të ndryshme, 12 aparatë celularë, 1 kompjuter dhe 1 Lap Top. Nga hetimet e kryera, dyshohet se këta shtetas e shpërndanin lëndën narkotike (të ndarë në doza) në qytetin e Korçës, kundrejt pagesës. Sipas policisw, materialet në ngarkim të shtetasve të mësipërm i kaluan Prokurorisë së Rrethit Gjyqësor Korçë, për veprat penale: “Prodhimi dhe shitja e narkotikëve, kryer në bashkëpunim” si edhe “Prodhimi dhe mbajtja pa leje e armëve luftarake dhe e municionir në ngarkim të shtetasit Mikel Shalcanj, parashikuar nga nent 283/2 dhe 278 të Kodit Penal.
