Ka degjeneruar në përplasje fizike vizita e punonjësve të emergjencave civile dhe banorëve të Korçës, të prekur nga tërmeti.
Ndërkohë i pranishëm ka qenë edhe prefekti Dhori Spirollari, i cili u ka kërkuar mediave të mos filmojnë ngjarjen.
Nga ana tjetër banorët u kanë kërkuar gazetarëve dhe operatëre të transmetojnë kushtet e vështira në çadra ku ata janë strehuar.
Banorët kërkojnë që të shpallet gjendja e emergjencës, një kërkesë kjo që është refuzuar derimë tani nga autoritetet shtetërore.
Banorët shprehen se në çadra mungojnë shtretërit dhe ushqimet, ndërsa disa prej tyre janë transportuar drejt spitalit për shkak të gjendjes së rënduar shëndetësore.
Kujtojmë se lëkundjet e tërmetit kanë qenë mjaft të shpeshta në qytetin e Korçës dhe vetëm në mëngjesin e sotëm janë ndjerë tre të tilla, me një magnitudë të konsiderueshme.
video nga FaxWeb:
