Policia e Korçës ka arrestuar shtetasin Skënder Shahinasi, 58 vjeç, autorin e plagosjes me sende të mprehta të fqinjit të tij. Pas një konflikti për motive të dobëta shtetasi ka goditur me thikë dhe ka tentuar ta vrasë fqinjin e tij E.SH, 58 duke e goditur disa herë me thikë.
Shtetasi E.SH, është transportuar në Spitalin Rajonal të Korçës, ku ndodhet nën kujdesin intensiv të mjekëve.
Nga policia e Korçës mësohet se 58 vjeçarit gjatë momentit të arrestimit i është gjetur një sëpatë në dorë e cila iu bllokua në cilësinë e provës material së bashku me armën e plagosjes(thikën).
Materialet i kaluan Prokurorisë të Rrethit Gjyqësor Korçë, për veprën penale: “Vrasja me dashje, e ngelur në tentativë”.
