Edhe qytetarët e Korçës ankohen shpesh herë për mos furnizimin si duhet me ujë të pijshëm. Ata nuk mund ta sigurojnë ujin 24 ore pa depozita, pompa dhe te tjera nga këto, pa përmendur këtu dhe se uji meqë vjen nga depozita nuk mund të jete kurrsesi i pijshëm, prandaj ketë te fundit detyrohen ta blejnë. Pra imagjinoni sa iu kushtona qytetarëve korçar uji në faturën mujore, përfshire dhe taksa për shërbime të cilat nuk i marrim. Megjithatë Bashkia Korçë i hedh paratë lumë për ujësjellësin, veç se jo në shërbim të qytetarëve. Në një tender të hapur së fundmi kjo bashki ka vendosur të shpenzojë jo pak, por plot 21 milionë lekë vetëm për rojet e ujësjellësit.
Nuk dimë që ky institucion të ketë ndonjë sistem sigurie special, por gjithsesi ajo çka vihet re në tender është fakti që ai është zhvilluar në shkelje të hapur me ligjin. Së pari për këtë tender nuk është zhvilluar një garë, pasi ka shfaqur interes vetëm një kompani, “ERNISA – S” Sh.p.k & “ALBEN 2 SECURITY ” Sh.p.k, e cila është shpallur menjëherë fituese. Pra, një tjetë projket i zhvilluar nga kjo bashki me mungesë konkurrence, abuzim në ditën me diell.
Ligji për prokurimet publike thotë shprehimisht se, në rast kur për një tender nuk paraqesin interes dy ose më shumë kompani, ai duhet të anulohet. Por, Korça ka e ka mbyllur garën dhe ka shpallur fitues ofertuesin e vetëm.
Së dyti, në dokumentin e publikuar vihet re se, kompania fitues ka paraqitur një ofertë me vlerë 20. 942. 733,00 lekë. Pra 90% e fondit limit. Veprim i cili gjithashtu ka shkelur një nga rregullat kryesore të prokurimeve, pasi krijon hapësira për abuzim dhe keqpërdorim fondesh. Por, me sa duket Bashkisë Korçë nuk i interesojnë të gjitha këto dhe ka vazhduar punën e saj, për të siguruat një mbrojte “dinjitoze” për ujësjellësin, thua kjo ishte ajo që i mungonte këtij institucioni, kur me qindra qytetarë nuk furnizohen si duhet me ujë të pijshëm/E.H/Gijotina.com/
