Korçarët janë ndalur sot në një barazim 1-1 në fushën e Kamzës, në të një takim ku shfaqën pak nga loja dhe energjia e tyre e zakonshme.
Skuadra e Dajës kishte kontrollin e topit në pjesën e parë, por goli i avantazhit me Shkodrën ishte më shumë rrjedhojë e rastësisë sesa e një loje të mirëfilltë sulmuese, përballë vendasve të cilët në ato minuta kishin arritur të kthenin në gjysmëfushën e vet Skënderbeun.
Në pjesën e dytë, Kamza u shfaq më ngulmuese dhe arriti pas shumë tentativash të barazonte shifrat falë një aksioni individual spektakolar të Fustar dhe finalizimit të Rezit, i cili sapo kishte hyrë në fushën e lojës.
Tentativat e Skënderbeut në minutat e fundit për të shënuar golin e fitores ishin të vakëta, pasi lojtarët e ekipit korçar ishin gjithmonë larg portës dhe prodhuan pak raste për t’u shënuar, duke u dashur të kënaqen me vetëm një pikë.
/panoramasport
