Ministria e Financave auditon të gjitha institucionet e varësisë për periudhën 2012-2013
Pas raporteve të auditimit, Ministria e Financave ka bërë padi penale për dy punonjës të instituconeve të varësisë së kësaj ministrie. Janë dhënë masa disiplinore për 100 punonjës të tatimeve e doganave si dhe 9 gjoba në shumën nga 50 deri në 300 mijë lekë. Nga auditimet e kryera në këto institucione për periudhën 2012-2013, janë evidentuar shkelje të rregullave të prokurimit publik në Drejtorinë e Përgjithshme të Tatimeve dhe atë të Doganave.
Ministria e Financave njofton se nga kontrolli në Agjensinë e Trajtimit të Kredive u evidentua se ka munguar totalisht baza e të dhënave për regjistrimin e borxhit mbi kreditë e këqija në vite, duke e bërë pothuajse të pa mundur mbledhjen e tyre deri në vitin 2013. Po në këtë institucion, për pagesë të vendimeve gjyqësore për largime të padrejta nga puna të punonjësve deri në vitin 2013, i është shkaktuar buxhetit të ATK-së një dëm prej 14.9 milionë lekësh.
