Sfida kundër Francës, ishte dhe fundi i kontratës së Edi Rejas me Federatën Shqiptare të Futbollit, por të dy palët publikisht kanë shprehur dëshirën e tyre për të vijuar bashkëpunimin, dëshirë të cilën italiani e konfirmoi sërish.
“Do të flas me presidentin për të ardhmen time pasi kontrata ime përfundon këtu. Kemi bërë një punë të mirë dhe më ka pëlqyer. Do të doja të vazhdoja me Kombëtaren shqiptare”, ka thënë Reja.
Reja nuk ishte në formën e tij më mirë pas sfidës kundër Francës, një dëmtim në krah bëri që italiani të mos ishte shumë i disponueshëm për mediat por sinjalet që dha ishin të qarta, Reja beson te ky ekip, Shqipëria i ka mundësitë të bëjë më mirë në të ardhmen.
