Pasi kanë konsumuar byrekë, hamburger dhe sanduiçë 5 nxënës të një shkollë 9-vjeçare në qytetin e Durrësit janë helmuar.
Fëmijët janë dërguar në urgjencën e Spitalit Rajonal dhe pas mjekimit të marrë mësohet se janë në gjendje të mirë shëndetësore.
“Më datë 22.01.2018, shtetasit D.R K.N, L.B. F.Xh dhe F.H, vjeç 11, 11, 12, 11 e 11, banues në Durrës, nxënës në klasën e pestë të një shkolle 9-vjeçare kanë konsumuar në shkollë disa produkte ushqimore si haribo, byrek, hamburger e sanduiç dhe më pas kanë ndjerë shqetësime me dhimbje e të vjella, të cilat pasi kanë marrë mjekim në urgjencën e Spitalit Rajonal, janë larguar pa probleme për shëndetin”, njofton policia.
