Një plagosje me armë zjarri ka ndodhur mbrëmjen e sotme në zonën e Fanit në Mirditë, pranë rrugës së Kombit. Në Urgjencën e Spitalit Rajonal Rrëshen është dërguar për ndihmë mjekësore, i plagosur me armë zjarri 51-vjeçari me inicialet M.P. banues në Klos, Mirditë.
Sipas policisë, nga hetimet e paraprake dyshohet që ngjarja të ketë ndodhur në autostradën Rrëshen -Kukës, në Fan, Mirditë pas një konflikti të çastit mes 51-vjeçarit M.P. me dy persona të tjerë të cilët janë shpallur në kërkim.
Policia po punon intensivisht për kapjen e tyre dhe për shkak të hetimit, nuk bëhen me dije të dhënat e tjera për identitetet e tyre.
Vazhdojnë veprimet për zbardhjen e plotë të ngjarjes dhe kapjen e autorëve.
