Me 72 vota pro Kuvendi miratoi ndryshimet e koncensionit
Kuvendi miratoi me 72 vota pro ndryshimin e marrëveshjes së koncensionit të Aeroportit të Rinasit ndërmjet palës shqiptare dhe shoqërisë “Tirana Airport Partners”. Marrëveshja rregullon kushtet e reja të koncensionit, të rinegocuara mes palëve për të hequr eskluzivitetin dhe për t’i hapur rrugë vënies në punë të dy aeroporteve të reja, një në Kukës dhe tjetri në Jug të vendit. Në këmbim sipas marrëveshje së re shtyhet me dy deri në katër vjet afati i koncensionit. Por edhe pse palë në këtë marrëveshje, menjëherë pas rinegocimit, koncensionari TAP i shiti aksionet e Rinasit tek një kompani kineze, e cila pritet që së shpejti të marrë operimin e të vetmit aeroport ndërkombëtar në Shqipëri.
