Kryeministri, Edi Rama komunikimin javor të së dielës ia ka kushtuar Samitit të Diasporës pas të cilit tha se është tejet i inkurajuar nga reagimi pozitiv i organizatave të shqiptarëve dhe individëve nëpër botë.
Kreu i ekzekutivit ka theksuar edhe njëherë angazhimin e tij dhe të qeverisë për regjistrimin e shqiptarëve që jetojnë e punojnë jashtë kufijve të Shqipërisë.
Ai foli për ndërtimin e urave lidhëse mes shqiptarëve në Shqipëri, Kosovë, Maqedoni, Mali i Zi dhe Luginën e Preshevës si dhe në Evropë dhe Botë.
Rama premtoi se brenda vitit 2017 do të krijohet Këshilli Kombëtar i Diasporës Shqiptare, që do të jetë një strukturë qendrore që do të udhëheqë veprimtarinë e Diasporës.
Ndërkohë, pas urimit për Shqipërinë nuk ka munguar as urimi për Kosovën dhe shqiptarët në katër anët e botës.
https://www.facebook.com/edirama.al/videos/10154205544946523/
