as uljes së numrit të infektimeve dhe lehtësimit të masave në shumë vende të botës, Komiteti Teknik i Ekspertëve vendosi sot heqjen e orës policore në vendin tonë.
Lajmin e dha zv.ministrja e Shëndetësisë Mira Rakacolli, e cila njoftoi se maska do të jetë e detyrueshme në disa vende, por do të hiqet ora policore dhe vaksinimi është i këshillueshëm që nga mosha mbi 12 vjeç.
“Kemi një situatë më të favorshme, se ajo që kemi pasur një javë më parë. Niveli i masave që kërkon kjo situatë, vazhdon të mbetet e tillë. Të infektuarit do të qëndrojnë të izoluar për 5 ditë, vaksinimi është i këshillueshëm që të fillohet për të gjithë fëmijët mbi 12 vjeç. Të gjithë qytetarët që do të hyjnë në kufi duhet të paraqesin certifikatën e vaksinimit, ose një test negativ. Nëse nuk i kanë këto dokumente, duhet të vazhdojë izolimi. Nga kjo masë përjashtohen fëmijët deri në 6-vjeç. Vazhdon të mbetet në fuqi masa për grumbullimet, deri në 30 % të kapacitetit të strukturave, përsa i përket orës policore, ajo do të hiqet. Masat do të rishihen në varësi të situatës,” tha Rakacolli.
Këto masa do të hynë në fuqi që nga data e nesërme. Gjithashtu, zv/ministrja e Shëndetësisë Eugena Tomini deklaroi se java e fundit ka shënuar incidencën më të ulët duke vënë theksin te rëndësia e vaksinimit të popullsisë.
