Komisioneri i Bashkimit Evropian për Zgjerim, Johannes Hahn, ka vizituar sot Kosovën. Ndërsa në qendër të vizitës së tij është përmirësimi i marrëdhenieve të Kosovës me Serbinë, ai është pritur nga kosovarët me një pankartë.
Një grup aktivistësh kishin ardhur nga Drenasi për t’i dhënë një porosi Komisionarit Evropian për Zgjerim. Përmes një pankarte të cilët e vendosën në hyrjen e pasme të Kuvendit të Kosovës, ata i kanë vendosur “vizë“ komisionarit Hahn.
“Ne kërkojmë reciprocitet në Kosovë, kështu që u nevojitet një vizë për të hyrë në Kosovë. Për vizën ju duhen rreth 45 dokumente të ndryshme dhe 35 Euro (hyrje pa vizvë)”, shkruhet në pankartë.
