Komisionit të Venecias pro zgjatjes së afateve të organeve të Vetting-ut

0
111

Ka mbërritur në Tiranë opinioni paraprak i Komisionit të Venecias lidhur me zgjatjen e mandatit të organeve të Vettingut. Mësohet se opinioni i Venecias është pro zgjatjes së afateve të organeve të Vetting-ut. Raporti përfundimtar i Komisionit të Venecias pritet që të publikohet në datat 10 ose 11 dhjetor.

Në draft-opinionin e “Venecias” që ka mbërritur në Kuvendin e Shqipërisë, thuhet amendamenti kushtetues, për zgjatjen e mandatit të Komisionit të Pavarur të Kualikimit dhe Komisionerit Publik, është në përputhje me standardet ndërkombëtare.

Ky opinion i “Venecias” i jep një shtysë më shumë mazhorancës për të shkuar në seancë parlamentare e të hedhe në votim ndryshimin në Kushtetutën e vendit.

“Venecia” u angazhua në këtë proces pas kërkesës së Kuvendit të Shqipërisë. Mazhoranca është shprehur më herët se qëllimi i ndryshimit kushtetutes është që të gjithë magjistratët, gjyqtarë dhe prokurorë t’i nënshtrohen të njëjtit standard kontrolli, pasi kalimi i verifikimit tek KLGJ e KLP do sillte ndryshim të metodologjikës së punës, si dhe mundësisht konflikt interesi.

Deri më tani Këshilli i Legjislacionit ka zhvilluar një sërë seancash dëgjimore me ekspertë konstitucionalistë, përfaqësues të shoqërise civile dhe akademike.

Për votimin në Parlament të ndryshimit kushtetutes nevojiten të paktën 94 vota deputetësh, të cilat PS nuk i gëzon e për këtë arsye nevojiten edhe votat e opozitës. Deri tani opozita nuk është shprehur zyrtarisht nëse do votojë pro apo kundër këtij ndryshimi kushtetutes.