“Presidenti nuk komunikon me letra”, është kjo deklarata e Spartak Brahos në Komisionin Sigurisë, lidhur me letrën që Presidenti Bujar Nishani ka dërguar kuvendit të Shqipërisë në të cilën thuhej se buxheti i ushtrisë është i pamjaftueshëm.
Braho u shpreh se rrogat janë ende të ulëta por mënyra e komunikimit nuk është institucionale.
Ndërsa zëvendës ministri i mbrojtjes Petro Koçi u shpreh se sa i takon shqetësimit të Presidentit, s’ia kemi llogaritur rrogën si komandant i FA. Nuk me vjen mirë për qasjen e tij opozitare ndaj institucioneve.
Koçi : “Ka pasur një shqetësim për buxhetin në raport me GDP. Në këtë buxhet nuk llogaritet zëri për ushtarakët në rezervë. Sa i takon shqetësimit të Presidentit, s’ia kemi llogaritur rrogën si komandant i FA. Nuk me vjen mirë për qasjen e tij opozitare ndaj institucioneve”.
