Ambasadori i Bashkimit Europian në Tiranë, Luigi Soreca ka mbështetur zgjatjen e afatit të komisionit parlamentar për hetimin e inceneratorëve.
Përmes një postimi në rrjetet sociale, Soreca shkruan se zgjatja e këtij komisioni është i rëndësishëm. Ai gjithashtu thekson se transparenca dhe llogaridhënia janë parimet kryesore të BE-së dhe Shqipërisë në rrugën e saj integruese.
“E rëndësishme që puna e Komisionit Hetimor të Parlamentit për inceneratorët të vazhdojë. Transparenca dhe llogaridhënia janë parimet kryesore të BE-së. Lufta kundër korrupsionit është një prioritet kryesor për BE dhe Shqipërinë në rrugën e saj integruese” – shkruan Soreca.
Kujtojmë se ditën e sotme edhe zgjatja e Komisionit Hetimor për Inceneratorët, u mbështet edhe nga ambasadorja e SHBA-së në Tiranë, Yuri Kim.
