Ditën e sotme është zhvilluar me debate të forta mbledhja e Komisionit të Sigurisë ku po diskutohet projektligji për dekorimet. Deputeti i Partisë Demokratike Ferdinant Xhaferraj është përplasur me deputetët socialistë në Komisionin për Sigurinë Kombëtare lidhur me praninë e kreut të Kadastrës Artan Lame në mbledhjen e sotme. Projektligji parashikon që dekoratat t’i kalojnë si kompetencë kryeministrit. Deputetët e Partisë Demokratike, e cilësojnë këtë shqyrtimin si cenim të presidentit të Republikës.
Xhaferraj u shpreh se korrupsioni në Kadastra sot përbën kërcënim për sigurinë kombëtare. Nga ana tjetër ministrja e Shtetit për Marrëdhëniet me Parlamentin, Elis Spiropali deklaroi se Lame është pjesë e grupit të punës së caktuar nga kryeministri për titujt e nderit.
“Zoti Lame duhet të lërë zyrën sepse korrupsioni në Kadastra përbën kërcënim për sigurinë kombëtare. Duhet të lënë këtë zyrë. Përbën kërcënim për sigurinë kombëtare.
Të respektohet rregullorja, e Sqarova deputetin që kryeministri ka ngritur një grup pune për këtë projektligj për titujt e nderit. Dhe zoti Lame është një nga ekspertët. Opinionet tuaja ju mund t’i bëni publike por ju lutem respektoni faktin që jeni në komisionin e sigurisë. Nëse doni t’iu vëmë në dispozicion botimet e Lames në këtë fushë mund ta bëjmë edhe këtë. Pas këtij diskutimi, Xhaferraj mori sërish fjalën duke lënë sallën me argumentin se për projektligjin e dekoratave nuk ka asnjë përfaqësues nga Presidenca por vetëm nga Kadastra.
Ky projektligj nuk ka asgjë emergjente dhe momentalisht na krijon vakum. Ky projektligj duhet të kthehet dhe ne s’kemi përfaqësues nga Presidenca po nga kadastra dhe prandaj do e lë.
Më vjen keq që nuk janë zoti Xhaferri dhe Noka jo për debat po se desha të sqaroj diçka që do tërhiqeshin. I vetmi njeri që më ka dekoruar ka qenë Nishani, në vitin 2012, unë jam krenar. Po a dija që do bëhej kështu mbledhja do e kisha vënë në qafë.”
Kalimin e kësaj kompetence te kryeministri ka nxitur edhe reagimin e deputetit demokrat, Ervin Salianji i cili u shpreh se ky kalim shërben për politizim dhe se dekoratat do të përdoren për të blerë vota.
