Pas vendimit të Gjykatës për njohjen e statutit të Kuvendit të 11 dhjetorit, Komisioni i Rithemelimit nuk priti më shumë dhe që pasditen e asaj dite “pushtoi” selinë e PD-së. Menjëherë të nesërmen u fillua puna për ndryshimin e dyerve të blinduara dhe ndryshimin e fasadës së jashtme të selisë.
Por ndryshimet nuk kanë qenë vetëm në fasadë, përpos deklaratës së Nokës në një prononcim për mediat, ku u shpreh se punonjësit e partisë nuk do të preken, pasditen e sotme kanë nisur lëvizjet dhe ‘zhdukjet’ e punonjësve të grupit të mediave të PD-së.
Në foton e siguruar nga Gijotina.com, një nga administratoret e grupit ka hequr me radhë kolegët e saj por edhe deputetë të Partisë Demokratike, si për shembull Ina Zhupën dhe sekretarin e Përgjithshëm, Gazment Bardhin.
Po ashtu nga “fshesa” ka kapur edhe gazetarët dhe këshilltarë të ish-kryedemokratit Lulzim Basha, janë përfshirë edhe Patrik Sadikaj dhe Desada Metaj, e po ashtu gazetarët dhe fotografë që kanë shoqëruar ish-numrin një të PD-së nëpër takimet e tij.
Siç duket grupi i Rithemelimit të PD-së e ka marrë shumë seriozisht detyrën për të fituar kontrollin absolut brenda godinës së selisë blu, aq sa kujdesen edhe për gjërat më të vogla.
