Basha: vendosëm të ngremë degën e partisë në Londër, 35% të të rinjve në listat e kandidatëve për deputet
Kryesia e Partisë Demokratike miratoi sot ngritjen e degës së kësaj partie në Londër. Lajmi u konfirmua nga kryetari i kësaj partie Lulzim Basha, pas mbledhjes së kryesisë, ku njoftoi gjtihashtu edhe vendimin për kuotën 35% të të rinjve në listat e kandidatëve për deputet. Kryesia e PD-së ka vendosur sot të komandojë si anëtarë të këtij forumi kreun e departamentit të sigurisë në PD, Enkelejd Alibeaj dhe atë të ish-të përndjekurve politik. Tomor Alizoti.
“Konfirmimin nga kryesia të emërimit të disa drejtuesve të departamenteve dhe sekretarëve të rinj. Kryesia e PD mori vendimin të miratojë ngritjen e PD në Londër pas shumë kërkesash të anëtarëve dhe demokratëve që jetojnë në këtë metropol dhe diskutoi mbi propozimin tim të kuotës 35% të të rinjve në listën e ardhshme zgjedhore pas primareve.
PD ka përfunduar programin një vit para zgjedhjeve duke shënuar një tjetër standard demokratike europian karshi qytetarëve shqiptarë. Zgjidhjet nuk lihen për në castin e fundit të zgjedhjeve sepse pastaj rezulton që të jenë rrëna, sic ishin rrena premtimet e rilindjes. Kjo sepse nuk ju dha mundësi shqiptarëve të diskutojnë zbatueshmërinë e këtyre premtimeve. Sot ne jemi në një diskutim të hapur me qytetarët dhe kjo do shtrihet në cdo lagje të qytetit.
Cdo qytetar do të ketë mundësi të diskutojë me drejtuesit e PD për të nxjerrë vendin nga kriza. Kryesia i ka hapur rrugë thellimit të konsulitmit të alternativës së PD. Ky është vendim shumë i rëndësishëm. Zbatimi i tyre do të nisë menjëherë”, tha Basha.
