Koalicioni PS-LSI do qeverisë bashkë edhe mandatin tjetër
Ajo është një foto e keqpërdorur. Kështu tha deputeti Koco Kokëdhima në emisionin “Tonight Ilva Tare”, për foton ku ai shfaqet duke ngritur gishtin e mesit në drejtim të foltores së Kuvendit. Deputeti i Partise Socialiste, Kokëdhima ka sqaruar se në kohën që ishte shkrepur fotoja ne foltoren e Kuvendit nuk ka qenë Sali Berisha, sic është përfolur në media. Në intervistën e tij Kokëdhima ka folur edhe për zhvillimet e ardhshme politike si dhe për fatin e mandatit të tij për të cilin tashmë do të vendosë Gjykata Kushtetuese. Ai tha se nuk është ndjerë mirë kur e ka mësuar vetëm 15 minuta përpara se Parlamenti do të votonte për dërgimin e mandatit të tij në Gjykatën Kushtetuese dhe se për këtë do të kërkojë shpjegime në Grupin Parlamentar Socialist. Sa I takon politikës Kokëdhima tha se koalicioni PS-LSI do të funksionojë si I tillë edhe në zgjedhjet e ardhshme. Sipas tij edhe Presidenti i Republikes do të zgjidhet me konsensus midis këtyre dy forcave politike.
