Koço Kokëdhima e ka cilësuar kryeministrin Rama si të çmendur sa i takon mendimit se ai mund të shkojë pa opozitën në zgjedhje.
Kokëdhima u shpreh se Rama duhet të lëshojë menjëherë zgjedhjet dhe sovranitetin e shqiptarëve.
Ai gjithashtu shtoi se forca e tij politike po bëhet gati për zgjedhjet që po afrojnë.
“Ne do të marrim pjesë në zgjedhje nëse ato do të jenë gjithëpërfshirëse, pra ne nuk shkojmë në zgjedhje nëse nuk merr pjesë PD. Vetëm një lider i çmendur si Edi Rama mund të bëjë deklarata se ne bëjmë zgjedhje pa opozitën. Ai është i pasinqertë në çdo gjë.
Ai para se të ftojë të tjerët në dialog, ai kokërr kusari duhet të lëshojë zgjedhjet, të lëshojë sovranitetin e shqiptarëve. Ai që mendon se mund të bëjë çdo gjë në këtë vend, që nuk pyet për kushtetutë e ligje, ai është problemi më i madh që kanë shqiptarët sot. Unë nuk pres që ai të bëhet ndonjë ditë reflektues.
Ndryshe është njësoj si të themi ik hoxhë të vijë prifti. Këta e bëjnë me marrëveshje këtë. Mos kujtoni se e bëjnë pa marrëveshje. PD dhe LSI janë në marrëveshje të plotë. Kreu i PD e PS janë dy padishah, dy sulltanë të alternohen në pushtet. Duhen hequr zgjedhjet nga thonjtë e tyre.” -u shpreh Kokëdhima.
