Nga Ilir Seci
Lajmi i caktimit të Skënder Gjinushit si kryetar i Akademisë së Shkencave të Shqipnisë së Republikës, ishte lajm që na befasoi, sepse përmes jehonës në shtyp të këtij emnimi mësuem se paskemi Akademi Shkencash – e kishim harrue fare këtë gja…
Emnimi i Skënder Gjinushit kryetar i ASH-së pati jehonë në medie, jo si atëherë kur Gjinushi u shpall akademik e kurrkush nuk e ndjeu atë lajm… As e mban kush mend, kur asht shpallë akademik dhe as pse asht shpallë akademik. Por, këto janë detaje pa randësi – atë e di Partia.
Randësi ka që kemi Akademi Shkencash dhe tash kemi edhe kryetar të kësaj Akademie, se kishim mbetë keq…
Si mundet me ekzistue një vend pa Akademi Shkencash? Çfarë fati – koha e thirri në skenë Gjinushin… Ndryshe do kishim ngelë vend pa Akademi, si puna e Amerikës apo Anglisë?
Prite Zot rrezikun…
