Sekretari i Përgjithshëm i OSBE-së, Lamberto Zannier, gjatë një takimi me ministren e mbrojtjes Mimi Kodheli ka premtuar mbështetjen e OSBE për reformat e nisura në Shqipëri dhe gatishmërinë përmes vëzhgimit të zgjedhjeve të ardhshme kuvendore.
Sekretari i Përgjithshëm solli ndër mend kontributin e Prezencës së OSBE-së në Shqipëri për shkatërrimin në mënyrë të sigurt të municioneve konvencionale të tepërta dhe lëndëve kimike të rrezikshme në vend.
Kodheli e falënderoi Organizatën për mbështetjen e saj të vijueshme për vendin.
Sekretari i Përgjithshëm dhe ministrja shkëmbyen pikëpamje për zhvillimet aktuale në Shqipëri dhe më gjerë në rajon, si dhe diskutuan për bashkëpunimin e Shqipërisë me OSBE-në.
