Pikat kryesore të Samitit të NATO-s do të jenë siguria në rajon dhe botë si dhe lufta ndaj terrorrizmt. Ky Samit do të mbahet në Varshavë të Polonisë.
Ministrja e Mbrojtjes, Mimi Kodheli, gjatë një konference për mediat theksoi se në tashmë është miratuar një strategji për luftën ndaj terrorizmit ku Shqipëria luan një rol të rëndësishëm. Kodheli pasi u pyet për grabitjen në Rinas theksoi se vija kufitare e aeroportit nuk duhet të ishte lënë në dorë të rojeve private.
Kodheli tha se pjesë e diskutimeve do të jetë edhe misioni i trupave shqiptare në Afganistan si dhe problemi i refugjatëve.
Kodheli: Mënyra sesi do të qaset ky rrezik sigurisht që do të ketë një diskutim 360 gradë të strategjive të cilat do të mundësojnë një rritje të sigurisë dhe mbrojtjes kolektive, menaxhimit të situatave të krizave, të cilat çdo ditë e më tepër për fat të keq bëhen prezent.
Kodheli gjatë bashkëbisedimit me gazetarët, tha se në Samitin e Varshavës Shqipëria do të lobojë dhe ofrojë mbështetjen e saj për anëtarësimin e Kosovës në NATO.
Kodheli: Mbështetësit më të mëdhenj janë SHBA dhe kjo është një gjë e rëndësishme. Shqipëria sigurisht luan një rol të rëndësishëm sepse luan një rol supervizor të kësaj rruge që Kosova duhet të ndjekë.
Ndërkohë Kodheli nënvizoi se gjatë Samitit do të diskutohet edhe për marrëdhëniet e aleancës me Rusinë, të cilat aktualisht janë në një pikë kritike.
Kodheli: Një kryetemë, cila do të jetë qasja e vendeve në NATO në raport me Rusinë, cila do të jetë mënyra e mbrojtjes së kufijve në NATO, por dhe më shumë se kaq.Cila do të jetë mënyra sesi vendet në NATO do të rrisin kapacitetet mbrojtëse të Ukrainës dhe cila do jetë mënyra dhe sa e shpejtë do të jetë kjo e uljes në tryezë me Rusinë për të diskutuar çështjet madhore, globale të sigurisë.
Ministrja e Mbrojtjes Mimi Kodheli u pyet edhe për grabitjen në Rinas.
Sipas saj rrethimi i aeroportit është një vijë kufitare dhe për pasojë nuk duhet të ruhet me roje private.
Çështjet e sigurisë në rajon dhe botë, por edhe rreziqet që vinë nga vendet e lindjes do të jenë pikat kryesore në të cilat do të fokusohet Samiti i NATO-s, i cili do të mbahet në Varshavë të Polonisë me praninë edhe të krerëve të shteteve anëtare.
