Zëdhënësja e KE, Maja Koçijançiç ka reaguar duke shprehur keqardhje për akuzat e personalizuara të opozitës gjatë ditëve të fundit si nga kryetari demokrat, Lulzim Basha ashtu edhe ish-kryeministri Sali Berisha.
Basha dhe Berisha kanë akuzuar funksionarë të lartë të Brukselit se janë korruptuar nga qeveria, ndërsa e kanë cilësuar ligjin e Vettingut si projekt mafioz të tyre dhe kryeministrit Edi Rama.
“Sulmet personale në drejtim të zyrtarëve të Bashkimit Europian janë të papranueshme dhe ne shprehim keqardhje për to”- thuhet në reagimin e Koçijançiç.
“Për sa i takon zhvillimeve, shefja e BE për politikën e jashtme Federica Mogherini dhe komisioneri për Zgjerimin, Johannes Hahn kanë bërë të qartë qëndrimin e Bashkimit Europian”- thekson më tej, zëdhënësja e Komisionit Europian.
