23 parti të majta kanë deklaruar sot se do të bëjnë fushatë për Partinë Socialiste, duke konfirmuar kështu mospjesëmarrjen në zgjedhje me logon e tyre.
Tre prej përfaqësuesve të partive të vogla, Petro Koçi, Idajet Beqiri dhe Gjergj Koja së bashku me deputetin Musa Ulqini janë takuar sot me kryeministrin Edi Rama në selinë e PS.
Në përfundim të takimit, kreu i PSV 91, Petro Koçi iu bëri apel partive të majta të regjistruara në zgjedhje të tërhiqen nga regjistrimi në KQZ pasi sipas tij çdo votë për partitë e vogla, dëmton koalicionin dhe PS.
“Çdo votë për partitë e vogla dëmton koalicionin. Tërhiqemi nga regjistrimi. I bëjmë thirrje edhe Milos dhe Gjinushit të tërhiqen. Mbështesim PS për 71 mandate në zgjedhje. Votat për partitë e vogla dëmtojnë fitoren e PS”, deklaroi Koçi.
