Zëvendëskryeministri Niko Peleshi ka deklaruar se fakti që ne kemi qeverisur për katër vite me një koalicion me LSI-në dhe po mbyllim këtë mandat, do të thotë se koalicioni ka qenë i suksesshëm.
Gjatë inspektimit të punimeve në shkollat e fshatit në Kamenicë, Peleshi tha se tani po flasim për një kontratë të re, por për mendimin tim më e rëndësishme se kontrata mes partive është kontrata me qytetarët dhe votuesit.
Peleshi tha se shqiptarët presin nga ne të vazhdojmë rrugën e transformimit dhe ndryshimit, dhe ne jemi të vetëdijshëm për arritjet dhe sfidat e mëdha që vendi ka.
“Për të keqen e vet dhe të partisë. Me vjen keq kur shoh se PD-ja që ka lindur nga energjitë rinore të brezit tim, në fillimet e viteve ’90-të. Më vjen keq që shoh sesi imazhi i kësaj partie është duke u rrënuar. Loja politike luhet kur skuadrat ecin me të njëjtin standard. Qytetarët janë shumë pak të interesuar për lojrat politike, dhe shumë të interesuar për të ardhmen e tyre”, është shprehur Peleshi.
