Ministri i Mirëqënies Sociale, Blendi Klosi tha se Vettingu po e mban opozitën në çadra.
“Po mbrohet një drejtësi që nuk ka dhënë asnjë vendim pro fëmijëve që shfrytëzohen në rrugë. Fatkeqësi që opozita nuk ishte pjesë e miratimit të ligjit për mbrojtjen e fëmijve”, tha ai.
Ministri përmendi një sërë reformash të ndërmarra nga Qeveria në sektor të ndryshëm, por vlerësoi se që të gjitha këto reforma, që të kenë sukses duhet të zbatohet ajo që ai e quajti “kryereforma”, ajo në drejtësi.
Këto deklarata, ministri Klosi i bëri pas nënshkrimit të pakteve sociale me kryetarët e bashkive të Qarkut Fier.
