Sipas drejtorit të përgjithshëm të Spitalit Amerikan, Klodian Allajbeut, masat e marra deri më tani kanë qenë efikase dhe kanë dhënë rezultat. Ai e krahasoi situatën e krijuar me “një rrufe ne qiell të hapur që u prishi njerëzve qetësinë”. Ai shtoi se intesiteti i situatës, mund të bjerë nga muaji qershor.
Ai tha se duke e krahasuar me eksperiencat e vendeve të tjera, Shqipëria po performon me rezultate pozitive. Sipas tij, impakti që virusi ka patur në gjithë vendin është një impakt i kontrolluar.
Sa i përket mënyrës, sesi vendi ynë i është përgjigjur krizës, Allajbeu u shpreh se metodologjitë ndryshojnë në varësi të vendeve.
Mirela Milori: Italia është goditur rëndë, Kina jep ato shifra, por duke qenë regjim diktatorial, ka filluar të dyshohet nëse janë vërtet ato shifrat e vërteta. Ka metodologji të ndryshme. Për shembull, Britana e Madhe ka futur në karantinë 65 e lartë dhe pjesa tjetër e popullatës nuk ka marrë masa ekstreme. Ne kemi një regjim që na është reduktuar edhe dalja… në opinionit tuaj cila është metodologjia e duhur për të përballuar koronavirusin?
Klodian Allajbeu: Për ne kjo metodë është e duhura. Jemi vend i vogël, organizohemi më lehtë, në vende të mëdha është më e vështirë. Impakti në ekonominë e tyre do jetë drastik. Këto masa janë të domosdoshme, nuk besoj se do kishte një mënyrë ndryshe për ta përballuar“, u shpreh Allajbeu.
Mirela Milori: Spitali çfarë logjistike ofron? Nëse qeveria, nëse shteti ju thërret on call?
Klodian Allajbeu: Në filluam para tre ditësh trajnimin e gjithë stafit tonë për një nevojë të tillë që mund të jetë në të ardhmen. Një nga spitalet tona do të vendoset në dispozicion si fillim me një staf të kompletuar, të trajnuar në dispozicion të vendit për të trajtuar pacientët me Covid… Ne kemi kapacitetet tona me staf, me respiratorë… Ne kemi bërë një organizim perfekt nga ambulancat deri tek trajtimi shëndetësor, te trajtimi spitalor.
