Tiranë- Këshilli i Lartë i Drejtësisë ka vendosur të kallëzojë penalisht ministrin e Brendshëm, Saimir Tahiri, pranë Prokurorit të Përgjithshëm. Ky vendimi u përcaktua në mbledhjen e sotme jashtë radhë të KLD. Sipas kësaj të fundit, shkak për këtë kallëzim janë sulmet fyese dhe kërcënuese të ministrit të Punëve të Brendshme Saimir Tahiri, ndaj gjyqtarit Arjan Aliaj.
“Gjatë diskutimeve, anëtarët e Këshillit, dënuan ashpër intimidimin që po i bëhet gjyqtarit z. Arjan Aliaj në veçanti por dhe trupës gjyqësore në tërësi, ku në përfundim, Këshilli vendosi të bëjë kallëzim penal pranë Prokurorit të Përgjithshëm, ndaj ministrit të Punëve të Brendshme z. Saimir Tahiri“ -shkruhet në njoftimin e Këshillit të Lartë të Drejtësisë.
