Këshilli i Lartë i Drejtësisë, ka emëruar si magjistratë, tetë të diplomuar që kanë ndjekur studimet, profili gjyqtar, gjatë periudhës tetor 2013-2016, si dhe shpalli 13 vende të lira për gjyqtarë.
KLD mbi vlerësimin e kandidatëve për magjistratë të përgatitur nga Shkolla e Magjistraturës vendosi të emërojë të diplomuarit Oltjona Flatur Goxha; Semiramis Xhevdet Hoxholli; Besjana Fadil Garxenaj; Ergys Ylli Gashi; Fildeze Bynjamin Hafizi; Ersida Enver Bajgora; Bevis Bejkush Shehaj dhe Artan Ilia Jahollari.
Më pas KLD, vijoi me shpalljen e tre vendeve të lira në gjykata e rretheve gjyqësor konkretisht, një vend vakant në Gjykatën e Rrethit Gjyqësor Tiranë; një vend vakant në Gjykatën e Durrësit si dhe një vend vakant në Gjykatën e Lushnjës.
Gjithashtu u shpallën edhe nëntë vende të lira në gjykatat administrative të shkallës së parë, konkretisht, nga një vend për gjyqtar në Gjykatën e Administrative të Shkallës së Parë, Tiranë, Durrës dhe Vlorë, si dhe nga dy vende vakante për gjyqtar në Gjykatën e Administrative të Shkallës së Parë, Shkodër, Korçë dhe Gjirokastër.
